ՈՒՐԻՇ ՎԱՐԱԿ (ՀԵՂԻՆԱԿԱՅԻՆ)

Ես քեզ կսպասեմ, որ ինձ մոտ դառնաս,

Անդորրդ խառնեմ խենթություններիս,

Որ գաս դու ինձ մոտ, էլ ետ չդառնաս,

Որ քեզ նվիրեմ սիրտս ու հոգիս:

Որ հոգուս խորքում ջերմությունդ զգամ,

Որ մի ուրիշ կերպ դու ինձ վարակես,

Որ տանը վառենք սիրո խարույկներ,

Տաք գինով արբենք մինչև ուշ գիշեր:

Որ հորիզոնում արևը մեռնի,

Խավար գիշերը օրոր երգի մեզ,

Որ իմ սրտի մեջ՝ կյանքով, սիրով լի

Դրոշմվի քո ջինջ անունը հավերժ:

01.02.2019թ.